يحاكوني وانا سارح وعقلي معكـ

[الاميرال]

يحاكوني وأنا سارح ولا أسمعهم يحاكوني
أجاملهم وأنا عقلي معاك وخافقي سرحان


رغم كل العيون اللي معي وادري يحبوني
احس بغيبتك كني وحيد ولا معاي أنسان


يحاكوني يبون أنسى غيابك هم يحسبوني
أفكـر بالكلام اللي يقولونه عن النسيان


يحاكوني وأنا سارح ولا أسمعهم يحاكوني
أجاملهم وأنا عقلي معاك وخافقي سرحان


يهل الليل وألقاهم مثل كل ليل خلوني
وحيد وكلهم ناموا واتم بوحدتي سهران


وحيد أبقى مع دمعي مع همي مع شجوني
وأحس بخافقي كوكب مخاليقه قهر وأحزان


تعبت من الحياة اللي بها العالم تناسوني
وتعبت الدموع وهموم ومعاناة وشقى وحرمان


يلوموني ولاحسوا بعذابي من يلوموني
بعضهم ناصح وبعضهم عذول وبعضهم شمتان


قسم بالله لو عاشوا معاناتي يعذروني
وحرام اللي على الشاطئ يلوم اللي في البحر غرقان..

[¬» للغلا سلطان ©]

يحاكوني وأنا سارح ولا أسمعهم يحاكوني
أجاملهم وأنا عقلي معاك وخافقي سرحان


ايش الصور الشاعريه الخطيره

بصراحه ابيات روعه بروعة ماتحكيه لنا من مشاعر لهذا الشاعر

يعطيك ربي العافيه على ذوقك

,, تحياتي لك

[ميمو]

ابيات ولا في الخيال والاحلى اللي منزلها
تحياتي واشواقي
لاخلا ولا عدم

[طيات الذهب]

يهل الليل وألقاهم مثل كل ليل خلوني
وحيد وكلهم ناموا واتم بوحدتي سهران


يعطيكـ ربي الف عافيه عزيزي

[انفاس جوري]

ابيات في قمـــــــــــــــــهـ الروعه

يعطيكـ الف عافيهـ